想半價食 Michelin 餐廳？英國 First Table 慳錢訂枱全攻略
- 港英士多 HKerStore
- 15 minutes ago
- 2 min read
在英國生活，雖然好多時都係自己煮，但間唔中都想同屋企人或朋友出去「食餐好」。不過英國出街食飯連埋加一，隨時要每人 £30-£40。想食高質餐廳但又想守住荷包？今日推介一個英國出街食飯一定要識嘅慳錢神器——First Table。
什麼是 First Table？
First Table 係一個起源於新西蘭、宜家英國非常流行嘅餐廳預訂平台。佢嘅概念好簡單：餐廳希望喺每段用餐時間（例如晚餐）啱啱開始、最冷清嘅時候吸引客人入座，營造「有人氣」嘅氣氛。
所以，只要你願意做嗰間餐廳當晚嘅「第一枱客人」（通常係 5:00 PM、5:30 PM 或午餐早段），你就可以用 5 折嘅價錢享用全單食物！
經此連結在 First Table 開戶，可獲 £3 credit，用作首次訂枱減免。
First Table 點樣玩？
搵餐廳： 上 First Table 官網 或下載 App，輸入你所在地（如 London, Manchester, Birmingham 等），就會見到附近有咩餐廳提供優惠。
畀 Booking Fee： 揀好心水餐廳、日期同時間後，你需要支付一筆小額嘅預訂費（通常係 £6）。呢筆錢係畀 First Table 平台嘅，唔會抵扣餐費，但佢就係你攞到 5 折優惠嘅「入場券」。
準時入座： 一枱人數限制喺 2-4 人（包括小朋友）。最重要係：絕對唔可以遲到超過 15 分鐘，否則餐廳有權取消優惠，連預訂費都冇埋㗎！
點解用 First Table？
真係有高質餐廳： 唔好以為 5 折就得連鎖店，First Table 入面有好多係 Michelin（米芝蓮）推薦、高得分嘅獨立餐館，甚至係平時好難訂位嘅名店。
全單食物 5 折： 係「全單」食物呀！由 Starter、Main 到 Dessert 都有半價，唔係淨係得指定菜式。
發掘新社區： 透過 First Table，你可以用低成本試勻附近唔同風格嘅料理，由正宗英國菜、意大利菜到法國餐都有。
小貼士：用 First Table 注意事項
飲品係原價： 5 折優惠只適用於食物，酒精同軟飲品都係要計原價。
每日中午 12 點搶位： First Table 每日中午 12 點會更新未來 14 日嘅位，熱門餐廳通常一出就被搶晒，記得 Set 鬧鐘！
睇清楚條款： 有啲餐廳可能唔包 Set Menu 或特定海鮮拼盤，或者限定每人最少點一杯飲品，訂位前記得睇睇條款。
總結
移民英國生活，開支要精打細算，但生活質素同樣重要。First Table 畀我哋用一個筍價，享受英國高品質嘅餐飲體驗。下次想慶祝生日、紀念日，或者單純想放鬆吓，不妨開 First Table 睇吓有冇筍嘢啦！
