講起最愛港式食品之一，酒樓飲茶必定榜上有名。英國粵式酒樓不少，但質素參差，價錢也不便宜。今次會推介英國飲茶好去處，集合網絡街坊食神力量，在各個城市盤點好酒樓，看哪間憑食物味道脫穎而出。 曼徹斯特 美點菜館 Mei Dim Restaurant...

1. 曼城葵廣超大碗車仔麵 同好友見面 提議試吓被譽為曼城葵廣嘅Ghost x Kitchens 點解叫曼城葵廣呢 事緣呢度集合咗好幾間香港人開嘅餐廳 以做外賣為主 全部抵食夾大件 有啲掃街feel 鍾意食邊間餐廳就叫邊間 逐間叩門落單再俾錢 有一個堂食區可以坐低食嘅 食物ready有專人拎俾你(每間店有張飛仔作識別） 行入去好似迷宮咁 又好似去咗觀塘工廠區樓上食肆咁 感覺真係好香港 今次試咗2間餐廳 第一間叫Good Good taste 性價比好高 價錢勁抵食 常餐£6.5 沙嗲牛肉麵、腸蛋多士連飲品 加£1可以upgrade一杯400次咖啡 份量好足味道唔錯 另外散叫魚肉碗仔翅£3.5 誠意十足勁足料 魚肉都有5-6件 兩個人分嚟食已經好飽 重點係好抵食！ 佢仲有好多港式小食、甜品 臘味糯米飯、煎釀三寶都好想試 第二間係牛麵館 主打食車仔麵 4餸麵£11碗 追加一碗只需另加£9 我哋點咗豬耳、牛展、牛筋、雞腳米粉 勁大碗配料都好多 滷得好入味 男友人食一碗都話非常飽 超推介 堂食區有超過95%都係香港人 真係非常熱鬧 唔講以為返咗香港食嘢

1. 超香豬骨酸辣米線｜神羊米線 迪叔最近有舖湯麵癮，於是拉埋迪妹一齊去試由香港人主理嘅神羊米線🍜 有4種豬骨湯底俾大家揀：清湯、蕃茄、酸辣、麻辣 迪叔緊係試麻辣，而唔食得辣嘅迪妹揀咗蕃茄 麻辣係10小辣級數，唔食得辣嘅麻甩友可以挑戰下 蕃茄就啱晒想食得清新d嘅麻甩友 肉就有得揀：豬腩肉、雞肉、肥牛，食齋嘅可以揀素食option 迪叔同迪妹都揀咗肥牛🐮 欣賞佢個肥牛係燒過嘅，而唔係就咁好hea就咁淥熟佢 肥牛好有牛味同焦香，可惜韌咗dd 除咗肉，仲有ok多唔係肉嘅配料俾大家揀 迪叔揀咗魚腐，喺香港食米線嘅感覺返晒嚟 想養生減肥嘅有得揀菜同埋芋絲 話說迪妹揀咗芋絲，咁d芋絲放咗喺底，仲要同米線一樣色，搞到佢以為漏咗芋絲🤡 話說基基知道迪叔介紹神羊嗰陣，就俾咗呢段食評我，thanks bro 👇🏼👇🏼👇🏼 酸辣米線: 湯底唔油超香，係想一食再食嘅感覺。佢嘅 grill 嘢係零舍出色，烤腩肉同雞肉都帶又焦香，口感滿分 椒鹽燒蝦: 以為頂多得兩串蝦咁大把，點知出到黎有四隻！蝦殼燒得勁香，但略嫌調味重手左少少。下次會想試埋大虎蝦...