【英國慳錢App實測】買餸順手影收據 Vela Rewards儲積分一周換£15禮品卡
平時去 Tesco、Sainsbury’s 等超市買餸，張收據通常買完就掉。不過英國最近有一類「Receipt Rewards」App，會將大家平日消費變成積分，再換成禮品卡及其他獎賞。其中一款叫 Vela Rewards，我哋實測過，一星期左右儲到嘅積分，加埋推薦獎賞，夠換 £15 禮品卡。唔需要改變購物習慣，只要順手影低收據，便可以賺積分換 Gift Card，算幾抵玩。
下載 Vela Rewards App，輸入推薦碼「000M1H」，連續兩周、每周影至少 5 張收據，便有機會賺取最多 20,000 分，夠換 £20 禮品卡。
Vela Rewards 係咩？
簡單講，Vela 就係一個「買嘢賺積分」App。你平時去超市、便利店甚至其他商戶消費，可以將收據上載到 Vela。系統會分析收據入面買咗啲咩，再按符合條件嘅消費派發 Vela Points。
比較特別嘅地方係，Vela 唔單止睇你「買咗幾多錢」，亦會根據產品種類及 Vela 對產品的評分，為較健康或者較負責任的選擇提供額外積分。即係同樣係買一袋食品，某些產品可能因為符合 Vela 的健康或可持續標準而賺到更多分。
目前 Vela 官方表示已經有超過 300,000 人加入。
Vela 點樣用？
用法其實相當簡單：
第一步，下載 Vela Rewards App 並開設帳戶，輸入推薦碼「000M1H」，完成指定步驟，便有機會獲得 5k、10k 或 20k 積分，可換禮品卡。
第二步，平時照樣去超市買嘢。
第三步，付款後保留收據，再用 App 掃描收據。
Vela 會讀取收據上的購買資料，確認交易有效後，便會即時派發積分。暫時只接受超市、家品、個人護理產品的收據，其餘種類產品無效。
實測試過，掃描收據後等約 5-10 秒左右，便會告知收據是否有效，以及賺到幾多積分。當你將手機鏡頭指向收據，它便會自動偵測並拍照，亦可手動拍照。試過較長或資料較複雜的收據，有機會無法成功辨識，需要重新影相。當中亦有出現 app 誤讀收據項目、無計折扣的情況，但並無大問題。
積分可以換咩？
Vela 的積分並唔係直接當現金使用，而係用來兌換不同獎賞，1000 分價值等同 £1。目前獎賞種類包括購物、餐飲、娛樂、旅遊及體驗等，比較普遍的包括 Waitrose、Tesco、Starbucks、Costa、Just Eat 等。
今次用咗個 App 一星期，儲到 5,000 分左右，當中包括解鎖任務獎賞，如首次掃描收據、開啟通知。再過多兩日，便收到 10k 積分推薦獎賞。用咗 15k 積分換 Waitrose gift card，等咗 5 日，成功換到一張價值 £15 禮品卡。Vela 表示因要進行防止欺詐的審核，所以兌換需要等數個工作天。
Vela 有免費版嗎？
目前 Vela 提供免費版本，但設有使用限制，每日最多掃描 3 張收據，每日可兌換一次獎賞，30日內最多可兌換 £15 獎賞。另外每日有一次 Spin，一次 Slot Machine 玩，有機會獲取額外積分。
Vela Plus 為收費版，現時費用為 £5.99/月，主要增加消費追蹤額度、每筆處理交易提供 2 倍積分、每日最多兌換 3 張 vouchers，以及最多連接 5 個電郵帳戶等。
除咗傳統影收據，Vela 亦加入咗自動化方式。其中一種係連接電郵，支援 Gmail 及 Outlook。收到電子收據後，Vela 可以自動識別相關消費，毋須每次自己影相。但這功能只限 Vela Plus 使用。
用 Vela 有咩好處？
最大優點係「順手」。你唔需要特登為咗賺錢而買某件產品，基本上係照平時買餸，再將收據交俾 App。
第二個優點係唔限於單一超市。Vela 官方表示可以掃描不同零售商的收據，包括超市、便利店及獨立商戶。
第三個比較有趣嘅地方，就係它會將「較健康及負責任的消費」與較高積分掛鈎。對於本身已經有相關購物習慣的人來說，可以變成額外獎賞。
另外，積分最終可以換成實際會用到的禮券，例如 Tesco、餐飲、娛樂或者旅遊相關獎賞，實用性比純粹 App 內虛擬積分高。
咁 Vela 究竟點賺錢？
Vela 唔只係一個「掃收據換禮物」App。Vela 將自己的 B2B 平台稱為 Vela Pulse，主打 SKU-level purchase data，即係唔單止知道「某人去 Tesco 消費 £50」，而係希望知道「究竟買咗邊一件產品、買幾多次、會唔會再次購買」，向各個品牌提供跨零售商的購買分析。
Vela 真正想建立的，並不是單純一個「影收據 App」，而是一個連接消費者、品牌、零售商、銀行及獎賞品牌的 loyalty ecosystem。你得到的是積分和禮券；Vela 得到的則是更多真實的消費行為資料及用戶參與度。
Vela 目前由英國公司 Reeset.Earth Limited 營運，App 同時提供 iPhone 及 Android 版本。
值唔值得試？
如果你本身每星期都會去英國超市買餸，Vela 最大吸引力其實唔係「可以賺好多錢」，而係原本已經要做的消費，順便多一層獎賞。尤其係超市購物後，如果本身已經有保留收據的習慣，可以試下免費版。
不過要記住，積分唔等於現金，兌換門檻、每日使用限制、獎賞種類及積分規則都有可能改變。
