🇫🇷巴黎遊記｜浪漫之都的五日四夜小冒險

巴黎，真係一個點去幾多次都唔會厭嘅城市。喺呢五日四夜入面，我重新認識咗呢個充滿藝術、歷史同浪漫氛圍嘅地方，每一步都好似置身喺電影場景一樣。

🗼 Day 1：埃菲爾鐵塔下的夕陽

第一日一落機就即刻去左酒店 drop 行李，跟住直衝埃菲爾鐵塔。即使之前喺相片睇過無數次，親眼見到果刻依然好震撼！我揀咗黃昏去，睇住太陽慢慢落山，鐵塔閃燈一著果一秒，真係浪漫到唔識形容。

Tips：廣場啲小販會走埋嚟賣香檳、鎖匙扣，唔好亂買，記得睇清楚價錢先。

一大早就排隊入羅浮宮（Louvre Museum），打卡「蒙娜麗莎」當然唔少得，不過其實我最鐘意係Napoleon套房，金光閃閃，好似行入宮殿咁。下午喺塞納河邊行街，夕陽斜斜照落河面，影相點影都靚。夜晚搭咗一程遊船，沿途望住左岸右岸，冷風輕輕吹，好寫意。

今日專攻購物！行咗香榭麗舍大道、老佛爺百貨，見到心頭好都忍唔住出手。買咗夢寐以求嘅 Chanel 香水，仲有 Ladurée 馬卡龍做手信（自己都忍唔住食咗兩粒 😋）

必買清單：

今日轉戰拉丁區，喺莎士比亞書店（Shakespeare & Co）慢慢行，好有文青味。之後去左咖啡店歎住法式咖啡＋牛角包，chill 完一個早上。

夜晚揀咗一間地道餐廳，叫咗鴨胸（Magret de Canard）同紅酒，簡直係人生一大享受。仲試咗幾款芝士（Roquefort、Brie、Camembert），雖然有啲重口味，但好正！

最後一日，唔捨得走，就揀咗一間街角 Café 食早餐，點咗牛角包、Latte，同陽光一齊食。望住巴黎人慢慢行街，覺得呢度嘅生活節奏真係優雅。走之前，仲忍唔住買多盒馬卡龍上機，返到去都可以回味巴黎嘅甜。